21/6

一早起身去面試, 上到去, 等左好耐都無人應門, 後來終於有個鬼佬出黎, 鬼佬! 我話黎見工既, 佢好似好奇怪有人上黎咁, 叫左我入去坐, 入到去見到周圍都係化妝品, 咁奇怪既? 佢打左個電話, 講左陣又叫我聽, 後來發現我搞錯左地方, 應該係隔離間公司, 唉! 最後好彩無遲到, 入到去同個經理傾左好耐, 佢好似仲細過我, 俾佢睇完個portfo佢就話攞去俾老闆睇下, 好快又番黎跟住叫我番去等消息。番中環搵ar樂食lunch , 跟住上左ken屋企玩。

夜晚lkk上左colour屋企打邊爐, 係度打下機吹下水, 仲睇左套戲, 叫末路嬌羊, 咁就係度玩左成晚, 第二朝9點先走人。

等左幾日消息, 聽日終於有得interview, 要即時做過個portfolio, 又要破費!

希望近近地就好la!

feel到好緊張!

搵左好耐終於俾我搵到la!一首95年寶礦力既廣告主題曲, 真係好正! 好令人懷念ar !

果個廣告仲可以睇番:

http://www.youtube.com/watch?v=BXecU1vXfIs

首歌叫 Totsuzen_突然:

http://sunshine.zist.edu.cn/download/music/topic/Sudden.mp3

今日等左成日都收唔到電話, 咁即係話已經無希望la!

要積極面對現實, 唔想做蛀米大蟲!

8/6

last一堂, exam, 做番同第一堂既野, 唔同既係命中率高左一倍! 跟住就係播下大家拍既video, 人地又真係做得幾好, 要學下野! 睇完咁就完左最la, miss仲叫我地唔使太擔心, pass應該無問題!

食完野同阿樂去何文田, 因為今日要去housing參加test ! 同樣係block 3 ,10/F, 仲要係上年summer training坐既同一個位! 都幾懷念同rex係度hea既日子, 咁快就一年lor! 一個小時, 要畫一個plan , 執一張相同整兩張slide既ppt ! 無奈自己既速度真係太慢, 個plan畫到八成就夠鐘! 唉, 心知機會唔大, 又要同咁多人爭! 臨走同係度做野既師兄吹左陣水先走人, 放左工成個鐘都仲唔走人, 佢好似係度過得唔錯咁!

今日之後, 有學番既日子就正式完結la! 聽日開始正式服兵役, 我都唔知期限係幾長, 唯有當下兵先la!